Medians

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Medians Mādai
← 678 aC — 549 aC →
Mapa de l'imperio medián
Capital	Ecbatana, actual Hamadan
Idioma oficial	Medián
Gubierno	Imperio
• Deyoces	c. 678 aC
• Ciro lo Gran	549 aC

Os medians u medos son un pueblo iranico que habitaba a Media, rechión de l'actual Irán entre o río Araxes y o desierto iraní. Enta l'anyo 700 aC ye mencionau por as fuents historicas un Reino Medán con capital en Ectabana, que tenió o suyo apocheu con Ciaxares y que fue adhibiu a l'Imperio Persa por Ciro o Gran enta l'anyo 550 aC. Os medians se fusioron con os antigos persas. Beluns consideran a los medians os antipasaus d'os actuals kurdos.

Os anals asirianos mencionan os mada ya en l'anyo 836 aC. En l'anyo 715 aC os medans fuoron redotaus por Sargón II y ye mencionau un chefe dito Dayukku, talment o Deyoces que menciona Herodoto. Deyoces ye mencionau como primer rei y unificador d'o suyo pueblo y qui fixó a capital en Ectabana. Deyoces fue succediu por Fraortes, qui venció a los persas y fue venciu por os asirianos a mitat d'o sieglo VII aC.

A la muerte de Fraortes bi habió un periodo de dominio escita dica o reinau de Ciaxares, qui en l'anyo 614 aC prenió Assur, y fendo liga con Nabopalasar de Babilonia destruyó Ninive en l'anyo 612 aC. Amés de desfer l'Imperio asiriano Ciaxares tornó a sozmeter a los persas y luitó contra Lidia.

O succesor de Ciaxares estió Astiaches, enta l'anyo 583 aC, qui fue venciu por Ciro de Persia, qui prenió Ectabana enta l'anyo 550 aC y remató con a independencia d'os medans.